Um helgina hófst kynningarmót í Futsal en sjö félög taka þátt í þessu móti. Fyrsti Futsal leikurinn hér á landi var á milli Fram og Fylkis í Framhúsinu og lauk leiknum með sigri Fylkis. Mikið var skorað af mörkum í þessum leikjum og sáust virkilega skemmtileg tilþrif hjá leikmönnum sem virtust kunna vel við sig með Futsal boltann á tánum. Boltinn sem leikinn er með er þó nokkuð frábrugðinn hinum "venjulega" bolta. Leiktíminn er 2x20 mínútur og er leiktíminn stöðvaður í hvert sinn er boltinn fer úr leik. Sigurður Helgi Harðarson reynir að verjast Steinari Þór Guðgeirssyni.
